‘विकास निमार्णका कामलाई मिडियाले उजागर गर्नुपर्ने’

 विराटनगर । विराटनगर महानगरपालिकाका  प्रमुख नागेश कोइरालाले,  संघ, प्रदेश र स्थानीय  सरकारले गरेका विकास  निमार्णका कामलाई मिडियाले उजागर गर्नुपर्नेमा  जोड दिनुभएको छ ।

 गोरखापत्र प्रकाशनको १२५ औँ वर्ष  प्रवेश तथा संस्थानको ६३ औ  वार्षिक अवसरमा विराटनगर स्थित गोरखापत्रको कार्यालयमा आयोजित कार्यक्रममा उहाँले गोरखापत्रले जनताको आवाजलाई राष्ट्रसम्म  पुर्‍याउन पुलको काम गरिरहेको बताउनुभयो । 

मेयर कोइरालाले गोरखापत्र संस्था नेपाली जनताको सम्पत्ति भएकाले यस्को प्रवर्धनमा तिनै तहका सरकार क्रियाशील हुनुपर्ने बताउनुभयो ।  गोरखापत्रको आफ्नै महत्व र  आकर्षण रहेको चर्चा गर्दै उहाँले लोकतन्त्र  र प्रजातन्त्रको सुद्धिढिकरणमा पत्रिकाको भूमिका महत्त्वपूर्ण रहेको उल्लेख गर्नुभयो ।  

 गोरखापत्र संस्थाको विकासका  लागि महानगरको सक्दो सहयोग रहने र विराटनगर स्थित गोरखापत्रको कार्यालय सम्म पुग्ने ग्राभेल सडकलाई कालोपत्रे गर्ने प्रतिबद्धता समेत उहाँले व्यक्त गर्नुभयो ।

 कार्यक्रम  मोरङका  प्रमुख जिल्ला अधिकारी  इन्द्रदेव यादव, नेपाल पत्रकार महासङ्घ कोशी प्रदेशका उपाध्यक्ष कुमोद अधिकारीले  गोरखापत्र संस्थानको प्रकाशन  १ सय २५ औँ वर्ष पुगेको अवसरमा शुभकामना  दिनु भएको थियो ।

 कार्यक्रम   विराटनगर कार्यालयका प्रमुख राजकुमार  गुरुङले गोरखापत्र  विराटनगर शाखाले गरेको काम तथा गतिविधिको बारेमा चर्चा गर्नुहुँदै मिडियाको प्रवर्धनमा जोड  दिनुभयो । 

सो अवसरमा विज्ञापन तथा पूर्वाधार निमार्ण तथा रङ्ग  रोगन कार्यमा कार्यालयलाई  सहयोग पु¥याउने विराटनगरका दुइवटा सरकारी कार्यालयका प्रमुखहरूलाई सम्मान  समेत गरिएको थियो ।