बाँकेमा बस र मोटरसाइकल ठोक्किँदा दुई जनाको मृत्यु 

नेपालगन्ज। बाँकेमा बस र मोटरसाइकल ठोक्किँदा दुई जनाको मृत्यु भएको छ । 

राप्तीसोनारी-७ फत्तेपुर सर्रामा मंगलबार साँझ नरैनापुरबाट नेपालगन्जतर्फ जाँदै गरेको भे १ ख ३७७४ नम्बरको बस र विपरीत दिशातिर गइरहेको भे ६ प ८८३६ नम्बरको मोटरसाइकल ठोक्किँदा मोटरसाइकल चालक राप्तीसोनारी-७ फत्तेपुर सर्राका २७ वर्षीय दिल बहादुर थारु र मोटरसाइकलमा पछाडि सवार सोही ठाउँका २३ बर्षीय राजेश थारुको मृत्यु भएको इलाका प्रहरी कार्यालय भगवानपुरले जनाएको छ । दुर्घटनामा गम्भीर घाइते भएका दुवै जनाको नेपालगन्जमा उपचारका क्रममा मृत्यु भएको हो । 

बस चालक फरार छन् । ठक्कर दिने बसलाई प्रहरीले नियन्त्रणमा लिएको छ ।