गैँडाको आक्रमणबाट मोटरसाइकल चालक भण्डारी घाइते
चितवन । चितवन राष्ट्रिय निकुञ्जको ध्रुव रेन्ज पोस्ट नजिक गैँडाको आक्रमणमा एकजना मोटरसाइकल यात्री घाइते भएका छन् ।
घाइते हुनेमा माडी–७ कीर्तनपुर निवासी ५५ वर्षीय शिवराज भण्डारी रहेका छन् ।
जिल्ला प्रहरी कार्यालय चितवनका अनुसार भरतपुरबाट बा. प्र. ०६००३ प ४३३९ नम्बरको सुपर स्प्लिन्डर मोटरसाइकलमा माडीतर्फ जाने क्रममा गैँडाको आक्रमणमा परेका थिए ।
घटनामा भण्डारीको बाहिरी चोटपटक नदेखिए पनि अवस्था मध्यम रहेको प्रहरीले जनाएको छ । घाइते भण्डारीलाई उपचारका लागि भरतपुर अस्पताल ल्याइएको छ ।
प्रतिक्रिया राख्नुहोस्