भूकम्पबाट घाइते भएका बिरामीको लागि नेपालगञ्जमा रगत सङ्कलन सुरु
बाँके । शुक्रबार राति गएको भूकम्पका कारण घाइते भएकाहरूको बाँकेको नेपालगञ्जमा उपचार थालिएको छ ।
उपचारको लागि आउने घाइतेका लागि रगत अभाव नहाेस् भनेर नेपालगन्जमा रगत सङ्कलन सुरु गरिएको छ।
जाजरकोट र रुकुमका भूकम्प घाइतेको लागि रगत व्यवस्थापन क्षेत्रीय प्रादेशिक रक्त सञ्चार केन्द्र नेपालगन्जले गरेको छ। सञ्चार केन्द्रले बिहानै रगतको अभाव हुन सक्ने हुँदा सबैलाई स्वतःस्फूर्त रक्तदान गर्न आह्वान गरेकाे छ । रेडक्रस बाँकेका मिन मल्लका अनुसार अहिलेसम्म ३५ पिन्ट रगत सङ्कलन भएको र रक्तदान गर्न आउनेको सङ्ख्या बढिरहेको बताउनुभयाे ।
प्रतिक्रिया राख्नुहोस्