डोटीमा एक सुत्केरी महिलाको हेलिकप्टर मार्फत उद्धार 

डोटी । डोटीमा एक सुत्केरी महिलाको हेलिकप्टरद्वारा उद्धार  गरिएको छ । 

आज जिल्ला डोटी बडिकेदार गाउँपालिका वडा नं. ५ केदारमाण्डौ बस्ने लक्ष्मण पुन मगरको श्रीमती २३ वर्षीय  बिष्ना देवी पुन मगरलाई नेपाली सेनाको हेलिकप्टरमार्फत उद्धार गरिएको हो । 

सुत्केरी व्यथाले सुत्केरी हुन नसकी अचेत अवस्थामा रही स्थानीय सामुदायिक स्वास्थ्य इकाई सिडिखेतमा उपचारत मगरलाई आज बिहान साढे १० बजेको समयमा उद्धार गरेको जिल्ला प्रहरी कार्यालय डोटीले जानकारी दिएको छ । 

मगरको अहिले कर्णाली प्रादेशिक अस्पताल सुर्खेतमा उपचार भइरहेको छ ।