नेपाल पत्रकार महासङ्घ मुगु शाखामा भण्डारीको नयाँ  नेतृत्व  

मङ्सिर I नेपाल पत्रकार महासङ्घ मुगु शाखाको निर्वाचनमा अच्युत राज भण्डारीको अध्यक्षतामा १९ सदस्यीय शाखा समिति पुनः निर्विरोध निर्वाचित भएको छ । 

निर्वाचन समितिले तोकेको मनोनयन दर्ताको समयभित्र कुनै पनि पदमा प्रतिस्पर्धा नभएपछि सबै पदाधिकारी र सदस्य निर्विरोध निर्वाचित भएका हुन् ।

निर्वाचन समितिका संयोजक विनोदकुमार मल्लका अनुसार अध्यक्षमा अचुतराज भण्डारी, उपाध्यक्षमा जीवन सेजुवाल, उपाध्यक्ष (महिला) मा सुकमाया शाही, सचिवमा नन्दबहादुर रोकाया, कोषाध्यक्षमा मोहनकुमार मल्ल, सहसचिवमा शिवचन्द्र कार्की र समावेशी सहसचिवमा सोबिना भाम निर्विरोध निर्वाचित भएका छन् ।

सदस्यहरूमा सनतकुमार हमाल, मोहनकुमार मल्ल ‘ख’, सर्जनकुमार शाही, जयराम विक, सक्कबहादुर बुढा, साङ्मु लामा, हस्तबहादुर भाम, मोहन शाही, कुवेरराज कार्की, हरिकृष्ण ऐडी र कमल विक चयन भएका छन्।

केन्द्रीय परिषद् प्रतिनिधिमा नृपेन्द्रबहादुर मल्ल र कविराज कार्की निर्विरोध निर्वाचित भएका छन् भने प्रदेश परिषद् प्रतिनिधिमा दानबहादुर बुढा र गोकर्ण शाही निर्वाचित भएका छन्।