एमाले इलामको अध्यक्षमा बराल निर्वाचित

इलाम । नेकपा एमाले इलामको अध्यक्षमा गणेश बराल निर्वाचित हुनु भएको छ ।

एमालेको  ११औँ अधिवेशनमा निकटतम प्रतिस्पर्धी  नरेन्द्रनाथ भट्टराईलाई १८६ मतान्तरले हराउँदै बराल अध्यक्षमा निर्वाचित हुनु भएको हो। गएराती सम्पन्न मतगणनामा बरालले ३८१ मत प्राप्त गर्दा भट्टराईले १९५ मत प्राप्त गरेका थिए  । उपाध्यक्षमा उदय बहादुर राई निर्वाचित हुनु भएको छ ।  राईले निकटतम प्रतिद्वन्द्वी उमेश गुरुङलाई ६६ मतान्तरले हराउनु भएको हो । राईले २५० मत प्राप्त गर्दा गुरुङले १८४ मत प्राप्त गरेका छन् । सचिवमा रामप्रसाद सुवेदी   निर्वाचित हुनु भएको छ ।  निकटतम प्रतिस्पर्धी  प्रकाश अधिकारीलाई २४ मतान्तरले पराजित गर्नु भयो । सुवेदीले २९२ मत प्राप्त गर्नु भएको थियो भने  अधिकारीले २६८ प्राप्त गर्नु भएको छ ।  उपसचिव पुरुषमा रमेश राई निर्वाचित हुनु भएको छ  । राईले निकटतम प्रतिद्वन्द्वी छवि श्रेष्ठलाई लाई २६ मतान्तरले पराजित गरेर निर्वाचित हुनु भएको हो । राईले १७९ मत  श्रेष्ठले १५३ मत प्राप्त गरेका थिए  ।  महिला उपसचिवमा दिलकुमार लावती (दिलु योङहाङ लावती) निर्वाचित हुनु भयो  । उहाँले  विष्णुमाया रिमाल (आचार्य) लाई ९२ मतान्तरले पराजित गर्नु भएको छ ।  लावतीले ३०९ मत प्राप्त गर्दा रिमालले २१७ मत प्राप्त गर्नु भयो । कुल ५८८ मतदाता रहेकोमा  ५८१ मत मात्र झरेको निर्वाचन समितिले जनाएको छ ।