राजविराजबाट झण्डै २५ क्विन्टल गाँजा सहित पक्राउ 

सप्तरी I राजविराज नगरपालिका ९ मलेठ स्थित एक गोदाम घरबाट लागूऔषध गाँजा करिब ९२ लाख बराबरको सामान सहित एक जनालाई पक्राउ गरेको छ । 

पक्राउ पर्नेमा छिमेकी देश भारत बिहार मधुवनी जिल्ला ग्राम पञ्चायत कुकुरदाैरा वडा नम्बर १० छातापुर बस्ने वर्ष ६६ काे रामनारायण यादव रहेको छ । 

प्रमुख जिल्ला अधिकारी भोला दाहालको नेतृत्वमा नेपाल तथा सशस्त्र प्रहरीले छापा मारी ती सामान बरामद गरिएको सप्तरी प्रहरी प्रमुख एसपी ढकेन्द्र खतिवडाले जानकारी दिनुभयो ।

उक्त गोदाम घरबाट ८० बोरा गाँजाको ताैल करिब २ हजार ४ सय ५१ किलो रहेको साथै स्याउ, चिनी, कपडा, सुर्ती लगायत ३ वटा गाडी समेत बरामद भएको जसको बजार मूल्य करिब ९२ लाख बराबर हुने अनुमान गरिएको एसपी खतिवडाले जानकारी गराउनु भयाे ।