मनै लोभ्याउने ढकमक्क गुराँस (फोटो फिचर)

बाजुरा । लालीगुराँस नेपालका पहाडी क्षेत्रमा पाइने सुन्दर फूल हो, जसले वसन्त ऋतुमा वनजंगललाई रङ्गिन बनाउँछ। हालै, बाजुराका विभिन्न जङ्गलहरूमा लालीगुराँस फुलेर वातावरणलाई मनमोहक बनाएको छ।

विशेषगरी, बाजुराको बडिमालिका नगरपालिका स्थित पोरखे, कालाजाग्रा,बुढिनन्दा,त्रिवेणि,बुढिगंगा नगरपालिका तथा गौमुल,जगन्नाथ र अन्य गाउँपालिका क्षेत्रका डांडापाखामा लालीगुराँस फुलेका छन्, जसले आन्तरिक पर्यटकहरूलाई आकर्षित गरिरहेको छ। लालीगुराँस समुद्र सतहदेखि १ हजार ५०० मिटरदेखि ३ हजार मिटर उचाइसम्म पाइन्छ। 

लालीगुराँसको फुलाइले पर्यावरणीय र सांस्कृतिक महत्त्व राख्छ। यसले पर्यटकहरूलाई आकर्षित गर्नुका साथै जैविक विविधताको संरक्षणमा पनि योगदान पुर्‍याउँछ। बाजुराका विभिन्न क्षेत्रमा लालीगुराँस फुलाइको यो मनमोहक दृश्यले प्राकृतिक सौन्दर्यको महत्त्वलाई उजागर समेत गरेको छ।