१० औँ राष्ट्रिय खेलकुदको सचिवालय उद्घाटन

काठमाडौँ । कर्णाली प्रदेशमा हुने १० औँ राष्ट्रिय खेलकुदको सचिवालय उद्घाटन गरिएको छ ।

बुधबार त्रिपुरेश्वर स्थित खेलकुद परिषद्को सभाहलमा खेलकुद मन्त्री तेजुलाल चौधरीको उपस्थितिमा आगामी चैत्र २३ गतेदेखि ३० गतेसम्म सञ्चालन हुने १० औँ राष्ट्रिय खेलकुदको सचिवालयको उद्घाटन गरिएको हो ।

प्रतियोगिताको सम्पूर्ण तयारी, प्रतियोगिता अवधिभरको व्यवस्थापकीय काम सचिवालयबाट नै हुने छ । दशौँमा ३६ खेल आयोजना गर्ने तयारी गरिए पनि माघ ३ गते बस्ने बोर्ड बैठकले यस विषयमा निर्णय गर्ने जनाइएको छ ।