जीतपुरसिमरा उपमहानगरपालिकामा महाकवि देवकोटाको शालिक अनावरण

बारा । बाराको जीतपुरसिमरा उपमहानगरपालिका–१६ नमुना चोकमा महाकवि लक्ष्मीप्रसाद देवकोटाको शालिक अनावरण गरिएको छ । महाकवि देवकोटाको ११६ औँ जन्मजयन्तीको अवसर पारेर शालिक अनावरण गरिएको हो ।

जीतपुरसिमरा उपमहानगरपालिका–१६ को सहयोगमा निर्माण भएको उक्त शालिकको बारा क्षेत्र नम्बर ३ की प्रतिनिधिसभा सदस्य एवम् पूर्व मन्त्री ज्वालाकुमारी साहले अनावरण गर्नुभएको हो । शालिक अनावरण भएसँगै नमुना चोकलाई देवकोटा चोकको रूपमा घोषणा गरिएको छ ।

स्थानीय नवराज रिजालको अध्यक्षतामा गठित उपभोक्ता समिति मार्फत महाकवि देवकोटाको शालिक निर्माण भएको हो । शालिक अनावरण कार्यक्रममा स्थानीय युवा साहित्यकार अविनाश सापकोटाद्वारा लिखित गजल सङ्ग्रह अग्राखको लोकार्पण समेत गरिएको थियो ।