जीप दुर्घटना हुँदा दुई जनाको मृत्यु

सिमकोट । शनिबार दिउँसो साढे तीन बजे ताँजकोट गाउँपालिका–४ को पैमा खोलानजिक रहेको तीर्थसैनामा बोलेरो जीप दुर्घटना हुँदा दुई जनाको घटनास्थलमै मृत्यु भएको छ । लु १ ज २३४३ नम्बरको बोलेरो जीप दुर्घटना हुँदा दुई जनाको मृत्यु भएको हो ।

हुम्लाबाट नेपालगञ्जबाट जाँदै गरेको जीप शनिबार दिउँसो दुर्घटना हुँदा नेपालगञ्ज उपमहानगरपालिका–२० घर भएकी ४९ वर्षीया विष्नु परियार र नाम नखुलेका अन्दाजी पाँच/छ वर्षका बालकको मृत्यु भएको जिल्ला प्रहरी कार्यालय हुम्लाका प्रहरी नायव उपरिक्षक रविन्द्र खनालले जानकारी दिनुभयो ।

गियर बस बिग्रीएर रोकिराखेको जीप ब्याक भई तीन सय मिटर तल खसेको बताइएको छ ।