राष्ट्रियसभा अध्यक्षको निर्वाचन फागुन २९ गते

काठमाडौँ । राष्ट्रियसभाको अध्यक्षको निर्वाचन यही फागुन २९ गते मङ्गलवार हुने भएको छ ।

सभाको आजको बैठकले फागुन २९ गतेका लागि अध्यक्षको निर्वाचनको मिति तोकेको हो ।

यसअघि आजै बिहान बसेको राष्ट्रियसभामा प्रतिनिधित्व गर्ने दलहरूको बैठकले भोलि मनोनयन दर्ता गर्ने गरी निर्वाचनको मिति तोक्ने निर्णय गरेको थियो ।

सभामा आगामी आर्थिक वर्ष २०८१/०८२ का लागि विनियोजन विधेयकका सिद्धान्त र प्राथमिकतामाथि छलफल भइरहेको छ ।