सल्यानमा भरुवा  बन्दुक  पड्किँदा एक बालिकाको मृत्यु,  तीनजना घाइते 

सल्यान । सल्यानको कालीमाटी गाउँपालिकामा स्थानीय बेलबहादुर आलेको घरमा भरुवा बन्दुक पड्किँदा एक बालिकाको मृत्यु भएको छ भने, छर्रा लागेर तीन जना घाइते भएका छन् ।

घरको आँगनमा खेल्दै गरेको क्रममा बन्दुक पड्किँदा छर्राले लागेर कालीमाटी गाउँपालिका–७ स्वायनवासकी ९ वर्षीया पूजा घर्तीको मृत्यु भएको जिल्ला  प्रहरी  कार्यालय  सल्यानले जनाएको  छ । 

३ वर्षीया देवी घर्ती, ५ वर्षीया यमुना आले र ८ वर्षीय तेजेन्द्र आले घाइते भएका छन् ।

घाइते भएकी यमुना आलेलाई थप उपचारका लागि काठमाडौँ लगिएको छ भने अन्य दुई जनालाई नेपालगन्जमा उपचार गरिएको छ ।