अग्रगामी परिवर्तनका लागि गठबन्धन: वरिष्ठ उपाध्यक्ष श्रेष्ठ
अछाम । नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले नेपालको अग्रगामी परिवर्तन र संविधान तथा लोकतन्त्रको रक्षाका लागि गठबन्धन बनेको बताउनुभएको छ ।
उहाँले यस पटकको चुनाव देशमा लोकतन्त्र बचाउने फैसला गर्ने चुनाव भएकाले यसलाई गम्भीर भएर सोच्नुपर्ने बताउनुभयो ।
अछामको कमल बजारमा सत्ता गठबन्धनको संयुक्त चुनावी सभामा उपाध्यक्ष श्रेष्ठले गठबन्धनको मुख्य लक्ष्य भनेको देशमा स्थिरता र विकास भएको बताउनुभयो ।
एकीकृत समाजवादीका उपमहासचिव गङ्गालाल तुलाधरले देशको समुन्नति तथा स्वाधीनताका लागि गठबन्धन गरिएको बताउनुभयो ।
प्रतिक्रिया राख्नुहोस्