साना किसान कृषि सहकारी संस्थाबाट १३ लाख चोरी

बारा । बारास्थित साना किसान कृषि सहकारी संस्था लिमिटेड मनहर्वाको मुख्य कार्यालयबाट गए राती करिब १३ लाख रुपैयाँ चोरी भएको छ ।

बाराको जितपुरसिमरा उपमहानगरपालिका–१८ को बडहर्वामा मुख्य कार्यालयबाट संस्थाको सेफमा रहेको १२ लाख ७३ हजार नौ सय पन्ध्र रुपैयाँ चोरी भएको संस्थाले जनाएको छ ।

प्रारम्भिक अनुसन्धानमा पेशेवर चोर समूहबाट चोरी गरेजस्तो देखिएको बारा प्रहरी प्रवक्ता प्रहरी नायब उपरीक्षक राजेश थापाले जानकारी दिनुभयो ।