मटिहानी नगरपालिकामा लोसपाबाट मेयर र उपमेयर विजयी
बर्दिबास । महोत्तरीको मटिहानी नगरपालिकामा लोकतान्त्रिक समाजवादी पार्टी (लोसपा) नेपालका उम्मेदवार मेयर र उपमेयर विजयी भएका छन् ।
निर्वाचन अधिकृतको कार्यालय मटिहानीका निर्वाचन अधिकृत कुल बहादुर फडेराले दिनुभएको जानकारी लोकतान्त्रिक समाजवादी पार्टी (लोसपा) नेपालका हरिप्रसाद मण्डलले ४ हजार ३ मत ल्याएर विजयी हुनु भएको छ । मेयरमा मण्डल १ हजार ३२९ मतान्तरले विजयी हुनु भएको छ ।
उहाँका निकटतम प्रतिद्वन्द्वी जनता समाजवादी पार्टी (जसपा) नेपालका मोहम्मद मुजिबुल रहमानले २ हजार ६७४ मत प्राप्त गर्नु भएको छ ।
यस्तै, उपमेयरमा लोसपाकै मञ्जु देवी ३ हजार ८६४ मत ल्याएर विजयी हुनु भएको निर्वाचन अधिकृतको कार्यालय मटिहानीले जनाएको छ ।
उहाँको निकटतम प्रतिद्वन्द्वी जसपा नेपालका जिवछी देवी यादवले २ हजार ७ सय ५१ मत प्राप्त गर्नु भएको छ ।
उपमेयरमा १ हजार ११३ मतान्तरले लोसपाकी मञ्जु विजयी भएको निर्वाचन अधिकृत फडेराले बताउनुभयो ।
प्रतिक्रिया राख्नुहोस्