मन्त्री वादीद्वारा वृद्धाश्रमका वृद्धवृद्धाको स्वास्थ्य अवस्थाबारे चासो व्यक्त

काठमाडौँ । महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्री सीता वादीले गौशालास्थित समाज कल्याण केन्द्र, वृद्धाश्रममा रहेका वृद्धवृद्धाको स्वास्थ्य अवस्थाबारे जानकारी लिनुभएको छ । 

मन्त्री वादीले आज पशुपतिस्थित वृद्धाश्रममा पुगेर वृद्धवृद्धाको स्वास्थ्य अवस्थाबारे जानकारी लिँदै सरकारको सरसफाइ सप्ताहअन्तर्गत मन्त्रालयले आयोजना गरेको पशुपति वृद्धाश्रम सरसफाइ कार्यक्रममा सहभागी हुनुभएको हो । 

सरसफाइमा मन्त्रालयका सचिव, कर्मचारीलगायतको सहभागिता रहेको थियो । सो अवसरमा मन्त्री वादीले आश्रमको अनुगमन समेत गर्नुभएको थियो ।