धनकुटाका १६ मतदानस्थल अति संवेदनशील

धनकुटा । प्रतिनिधिसभा सदस्य निर्वाचनका लागि एक ओटा निर्वाचन क्षेत्र रहेको धनकुटा जिल्लाका १ सय १९ ओटा मतदानस्थलमध्ये १६ ओटा मतदानस्थललाई अति संवेदनशील मतदानस्थलका रूपमा वर्गीकरण गरिएको छ । 

४९ ओटा मतदानस्थललाई संवेदनशील र ५४ ओटा मतदानस्थल सामान्यलाई सामान्य मतदानस्थलका रूपमा वर्गीकरण गरिएको छ । भौगोलिक विकटता, सुरक्षा निकायको पहुँचदेखि टाढा, यातायात र सञ्चारको असुविधा यस अघिका निर्वाचनमा देखिएका घटनालाई विश्लेषण गरेर अति संवेदनशील, संवेदनशील र सामान्य गरी तीन खण्डमा मतदानस्थल तथा केन्द्र छुटाइएको जिल्ला प्रशासन कार्यालयले जनाएको छ ।

सरकारले ०८२ फागुन २१ गतेका लागि प्रतिनिधिसभा सदस्य निर्वाचनको मिति तय गरेपछि जिल्लामा बसेको जिल्ला सुरक्षा समितिको बैठकले मतदानस्थलको वर्गीकरण गरेको प्रमुख जिल्ला अधिकारी विनोद कुमार खड्काले जानकारी दिनुभयो।

प्रतिनिधि सभा तथा प्रदेश सभा निर्वाचन २०७९ मा पनि धनकुटा जिल्लामा १ सय १९ वटै मतदानस्थल रहेका थिए। जसमा १ सय ६४ मतदानकेन्द्र रहेका थिए। तर, मतदाताको नाम अद्यावधिकको काम भइरहेकोले मतदान केन्द्र भने केही थपघट हुन सक्ने जिल्ला निर्वाचन कार्यालयले जनाएको छ।