भारत, अस्ट्रेलिया र इङ्गल्यान्डले एक अर्काविरुद्ध पाँच दिने टेस्ट खेल्न पाउने

काठमाडौँ । विश्व टेस्ट च्याम्पियनसिप २०२७–२९ मा अन्तर्राष्ट्रिय क्रिकेट परिषद् (आइसिसी) ले केही परिवर्तन गर्ने भएको छ । आइसिसीले यो चक्रमा साना राष्ट्रका लागि चार दिने टेस्ट खेलाउने तयारी गरेको छ ।

भारत, अस्ट्रेलिया र इङ्गल्यान्डले भने एक अर्काविरुद्ध परम्परागत पाँच दिने टेस्ट खेल पाउने छन् ।

आइसिसीले पहिलो पटक सन् २०१७ मा द्विपक्षीय खेलका लागि चार दिने टेस्टलाई अनुमति दिएको थियो । २०१९ र २०२३ मा आयरल्यान्ड तथा गत महिला जिम्बावे विरुद्ध चार खेलको टेस्ट शृङ्खला खेलेको थियो ।

समय र लागतको कारणले गर्दा धेरै साना राष्ट्रले टेस्ट आयोजना गर्न इच्छा देखाउने गरेका छैनन् । तर, चार दिने टेस्ट हुँदा तीन हप्ताभन्दा कम समयमा तीन टेस्ट खेलको सम्पूर्ण शृङ्खला खेल्न सकिने आइसिसीले जनाएको छ ।

टेस्ट च्याम्पियनसिप २०२५–२७ को चक्र भने पुरानै ढाँचा अनुसार खेलाइने छ ।