विद्यालय शिक्षा विधेयकको प्रतिवेदन समितिमा पेश

काठमाडौँ । विद्यालय शिक्षा विधेयकमा सहमति गरी प्रतिवेदन बुझाउन गठित उपसमितिले समिति समक्ष आज प्रतिवेदन पेश गरेको छ । 

प्रतिनिधिसभाको शिक्षा स्वास्थ्य तथा सूचना प्रविधि समिति सभापति अम्मरबहादुर थापालाई उपसमितिका संयोजक छविलाल विश्वकर्माले आज प्रतिवेदन बुझाउन् भएको हो । 

उपसमितिले दफावार छलफल गरी सर्वपक्षीय सहमतिमा प्रतिवेदन पेस गरेको संयोजक विश्वकर्माले जानकारी दिनुभयो ।

संयोजक विश्वकर्माका अनुसार विधेयकमा १३ वटा दफा थप गरिएको र ४ वटा दफा हटाइएको छ । 

विद्यालय शिक्षा विधेयकमाथि दलहरुबीच सहमति नजुटेपछि  गत चैत ८ गते समितिले सहमति जुटाउन उपसमिति गठन गरेको थियो । 

समितिका सभापति अम्मरबहादुर थापाले प्रतिवेदनमाथि समितिमा छलफल गरी  पारित गरिने बताउनुभयो ।