तपाईँ सुन्दै हुनुहुन्छः

महिला गोल्डकपः आजको खेल आर्मीसँग आयोजक ओएसिस क्लब भिड्दै

इलाम । इलाममा जारी दोस्रो अन्तर्राष्ट्रिय आमन्त्रित महिला गोल्ड कपअन्तर्गत आज बाट सेमिफाइनल खेल सुरु हुँदैछ । पहिलो सेमिफाइनल खेल आयोजक ओएसिस क्लब इलामले विभागीय टोली त्रिभुवन आर्मीको रहेको छ ।

हिजो सम्पन्न खेलमा भारतको मदर टरेसा फुटबल क्लबमाथि गोलको वर्षा गर्दै महिला लिग विजेता तथा राष्ट्रिय टिमले भरिएको ए पी एफ सेमिफाइनल प्रवेश गरेको छ । दोस्रो अन्तर्राष्ट्रिय आमन्त्रित महिला गोल्ड कपमा मङ्गलवार ठुलो टुँडिखेलमा अन्तिम क्वाटर फाइनल खेलमा १४–१ गोलको फराकिलो अन्तरले पराजित गर्दै ए पी एफ अन्तिम चारमा पुगेको हो ।

ए पी एफको जितसँगै सेमिफाइनल समीकरण पूरा भएको छ । सेमिफाइनलमा विभागीय टोलीहरू नेपाल पुलिस , त्रिभुवन आर्मी , ए पी एफ र आयोजक सेमिफाइनल पुगिसकेका छन् । बुधबार पहिलो सेमिफाइनल खेल आयोजक ओएसिस क्लब इलामले विभागीय टोली त्रिभुवन आर्मीको सामना गर्नेछ । नेपाल र भारतका गरी आठ टिम सहभागिता रहेको प्रतियोगिताको फाइनल २४ गते हुने आयोजकले जनाएको छ । प्रतियोगिताको विजेता टिमले चार लाख र उपविजेता टिमले नगद दुई लाख रुपैयाँ पुरस्कार पाउने छन् ।

प्रतिक्रिया राख्नुहोस्

Back to top button