जाजरकोटमा जारी मतदानमा हालसम्म ७ हजार ९ सय ८ मत खस्यो 

जाजरकोट । जाजरकोटमा जारी स्थानीय तहको उपनिर्वाचनमा १ बजे सम्म ७ हजार १ सय ६२ मत खसेको छ ।

नलगाड नगरपालिका र कुशे गाउँपालिका वडा ७ मा जम्मा १७ हजार ७ सय ५१ मतदाता रहेका छन्  ।

नलगाड नगरपालिकामा उप प्रमुख पदका लागि भइरहेको  उपनिर्वाचनको मतदानमा  ७  हजार १ सय ६२ मत  खसेको हो ।

बिहान ७ बजे देखि शान्तिपूर्ण रुपमा भइरहेको मतदानमा नगरपालिकाको २४ ओटै मतदान केन्द्रमा ७ हजार १ सय ६२ मत खसेको  भने  कुशे गाउँपालिका वडा नं ७ को वडा अध्यक्ष पदका लागि भइरहेको मतदानमा ७ सय ४६ मत खसेको मुख्य निर्वाचन अधिकृतको कार्यालयले जनाएको छ ।