मोटरसाइकलको ठक्करबाट वृद्धको मृत्यु

दाङ ।  देउखुरीमा मोटरसाइकलको ठक्करबाट एक वृद्धको ज्यान गएको छ ।

यो कार्तिक २२ गते बिहानको घटना हो । ज्यान जानेमा लमही नगरपालिका (४ निवासी ७३ वर्षीय नकुल मल्ल ठकुरी रहेको जिल्ला प्रहरी कार्यालय दाङका प्रहरी प्रवक्ता ईश्वर थापाले जानकारी दिनु भयो ।

पूर्वबाट पश्चिम आउँदै गरेको रा ५ प ४३९७ नम्बरको मोटरसाइकलले ठकुरीलाई ठक्कर दिएको थियो । ठक्कर दिने मोटरसाइकल चालक लमही नगरपालिका (१ निवासी पङ्कज शर्मालाई प्रहरीले नियन्त्रणमा लिएको छ ।

लमहीको बनगाउँ स्थित बगैसोता नजिकै वृद्ध ठकुरीले बाटो काट्ने क्रममा मोटरसाइकलले ठक्कर दिएको थियो । मोटरसाइकलबाट गम्भीर घाइते भएका ठकुरीको नेपालगन्ज मेडिकल कलेजमा उपचारका क्रममा मृत्यु भएको प्रवक्ता थापाले बताउनुभयो ।