डोटीमा एक महिला मृत अवस्थामा फेला 

डोटी । डोटीमा एक महिला मृत अवस्थामा फेला परेकी छन् । जिल्ला प्रहरी कार्यालय डोटीकाअनुसार मृत फेला पर्नेमा जिल्लाको बडीकेदार गाउँपालिका वडा नं. २ कि स्थानीय पूर्ण बहादुर भाटकी ५५ वर्षीय श्रीमती भागा देवी भाट रहेकी छन् । 

उनको आज (आइतबार) दिउँसो ३ बजेको समयमा सोही ठाउँ स्थित सहजपुर बोगटान सडक खण्ड बाट करिब १०० मिटर तल भिरालो जमिनमा घोप्टो अवस्थामा शव फेला परेको जिल्ला प्रहरी कार्यालय डोटीका प्रहरी नायब उपरीक्षक भिमलाल भट्टराईले बताउनुभयो । 

मृत भाटको बारेमा बुझ्दा घर बाट माईती घर जाँदै गरेको र प्रेसरको बिरामी समेत रहेको भन्ने बुझिएको प्रहरीले जनाएको छ । घटनाबारे थप अनुसन्धान भइरहेको जनाएको छ ।