सन्दर्भ तिहार : फूल टिप्न व्यस्त भक्तपुरका किसान (फोटो फिचर)
भक्तपुर । भक्तपुर गुण्डुका किसानहरू तिहारका लागि मखमली फूल टिपेर बेच्ने कामको लगभग अन्त्यतिर आइपुगेका छन् ।
भदौ महिनाबाटै मखमली टिपेर माला उनेर बेच्दै आएका यहाँका प्रत्येक घरमा धेरथोर फूल रोपेकै पाइन्छ । उनीहरूले मखमली माला प्रतिगोटा २० देखि ३० रुपैयाँसम्म बेच्छन् । माला लिन व्यापारीहरू घरमै आउँछन् ।
यहाँ फूलबाट उनेका माला देशका विभिन्न भागका साथै अमेरिका, अस्ट्रेलिया र जापानलगायतका मुलुकमा समेत पुग्ने गर्छ । भाइटीकाका दिन दिदीबहिनीले भाइटीका गरेपछि लगाइदिने कहिल्यै नओइल्याउने मखमली फूलको मालाले दाजुभाइ दिदीबहिनीको सम्बन्धलाई प्रगाढ बनाउँछ भन्ने मान्यता छ ।
प्रतिक्रिया राख्नुहोस्