ओखलढुङ्गाबाट प्रतिनिधिसभा सदस्यमा काँग्रेसका खतिवडा विजयी
ओखलढुङ्गा । ओखलढुङ्गाबाट प्रतिनिधिसभा सदस्यमा नेपाली कांग्रेसका रामहरि खतिवडा विजयी भएका छन् ।
वाम-लोकतान्त्रिक गठबन्धनका उम्मेदवार खतिवडा निवर्तमान सांसद यज्ञराज सुनुवारलाई ६८१८ मतान्तरले पराजित गर्दै विजयी भएका हुन् ।
खतिवडाले ३३५५६ र सुनुवारले २६७३८ मत ल्याएका छन् ।
२०७४ को निर्वाचनमा खतिवडालाई ५२५३ मतले पराजित गर्दै सुनुवार विजयी भएका थिए ।
ओखलढुङ्गाका २ प्रदेशसभामा समेत काङ्ग्रेस-माओवादीका साझा उम्मेदवार विजयी भएका छन् । १ मा कांग्रेसका प्रदीप सुनुवार र २ मा माओवादीका बाबुराम गौतमले चुनाव जितेका छन् ।
प्रतिक्रिया राख्नुहोस्