गोरखामा मतदान केन्द्रमा खटिने कर्मचारीलाई तालिम दिन सुरु

गोरखा  । जल्ला निर्वाचन कार्यालय गोरखाले निर्वाचनमा खटिएर जाने ९२ वटा मतदान केन्द्रका मतदान अधिकृत र सहायक मतदान अधिकृतलाई तालिम दिन सुरु गरेको छ । 

तालिमको आज पहिलो दिन १ सय८४ जना सहभागी भएका जिल्ला निर्वाचन कार्यालय गोरखाका नायव सुब्बा रविलाल सुवेदीले बताउनुभयो । 

चुमनुब्री र धार्चे क्षेत्रमा खटिएर जाने निर्वाचन अधिकृत र सहायक निर्वाचन अधिकृतलाई पहिलो चरणमा तालिम प्रदान गरिएको हो । 

तालिमको प्रमुख निर्वाचन अधिकारी गोरखा जिल्ला न्यायाधीश तेजेन्द्र प्रसाद शर्माले उद्घाटन गर्नुभयो । 

तालिम कात्तिक २६ गतेसम्म सञ्चालन हुने जिल्ला निर्वाचन अधिकारी टेक बहादुर कोइरालाले बताउनुभयो । 

तालिम गोरखा क्याम्पस गोरखाको सभाहलमा चलिरहेको छ ।