३६ किलो लागू औषध चरेश बरामद

धनगढी । कैलालीको धनगढीबाट प्रहरीले ३६ किलो लागू औषध चरेश बरामद गरेको छ ।

प्रहरी टोलीले धनगढी उपमहानगरपालिका ५ लब्लीचौकबाट ३६ किलो ६६२ ग्राम चरेश बरामद गरेको कैलालीका प्रहरी प्रमुख एसपी पदम बिष्टले बताउनुभयो ।

वडा प्रहरी कार्यालयबाट खटिगएको टोलीले मोटरसाईकलमा ल्याउँदै गरेको अवस्था उक्त चरेश बरामद गरेको उहाँले बताउनुभयो । चेकजाँच गर्न खोज्दा प्लाष्टिक भित्र राखेको चरेश फालेर दुवै जना फरार भएको र उनीहरूको खोजी कार्य भइरहेको प्रहरीले जनाएको छ ।