रुखबाट लडेर वृद्धको मृत्यु

सर्लाही । सर्लाही जिल्लाको लालबन्दी नगरपालिका–१ बुढाथोकी टोलमा एक वृद्धको रुखबाट लडेर मृत्यु भएको छ।

७२ वर्षीय छत्र बहादुर कार्की इपिलको रुखमा चढेर घाँस झार्ने क्रममा अचानक लडेर गम्भीर घाइते हुनुभएको थियो । प्रारम्भिक रूपमा उहाँलाई स्थानीय मेडिकलमा उपचार गरिएको थियो। थप उपचारका लागि वीरगञ्जस्थित नेशनल मेडिकल कलेजमा लगिएको थियो ।

उपचारकै क्रममा करिब १६:१५ बजे कार्कीको मृत्यु भएको जिल्ला प्रहरी कार्यालय सर्लाहीका प्रहरी नायव उपरीक्षक दिपक श्रेष्ठले जानकारी दिनुभयो ।