ट्याक्टरबाट खसेर एक जनाको मृत्यु

दाङ । दाङको देउखुरीमा पराल बोकेको ट्याक्टरबाट खसेर १ जनाको मृत्यु भएको छ ।

शनिबार राप्ती करिब ९ बजेको समयमा राप्ती गाउँपालिका-५ लठ्ठहवा निवासी अन्दाजी ४० वर्षीय गरिवु चौधरीको ट्याक्टरबाट खसेर मृत्यु भएको जिल्ला प्रहरी कार्यालय दाङले जानकारी दिएको छ ।

खेतबाट पराल लोड गरि घर पुर्‍याएर डोरी खोलेर पराल झार्ने क्रममा चौधरी ट्याक्टरबाट खसेर गम्भीर घाइते भएका थिए । घाइते चौधरीको सिसहनियाँ स्वास्थ्य चौकीमा उपचारका क्रममा मृत्यु भएको प्रहरीले बताएको छ । मृतक चौधरीलाई पोष्टमार्टमका लागि लमही अस्पताल लगिएको छ ।