जनता समाजवादी पार्टी, नेपाल (जसपा)को बैठक सुरु
काठमाडौँ । जनता समाजवादी पार्टी, नेपाल (जसपा)को राजनीतिक समितिको दोस्रो दिनको बैठक ललितपुरको ज्यापु समाज भवनमा सुरु भएको छ ।
हिजोदेखि चलेको बैठकमा नेताहरूले गत मंसिर ४ गते सम्पन्न निर्वाचन र विकसित राजनीतिक घटनाक्रमका सम्बन्धमा धारणा राख्ने क्रम जारी रहेको पार्टीका प्रवक्ता मनिषकुमार सुमनले जानकारी दिनुभयो ।
समाजवादी पार्टीका प्रवक्ता सुमनले आजको बैठकमा सरकारको न्यूनतम साझा नीति तथा कार्यक्रम र सरकारमा सहभागी हुने नहुने विषयमा समेत छलफल हुने बताउनुभयो ।
यस्तै बैठकले पार्टी विधान अधिवेशनका लागि विधान मस्यौदा समिति पनि गठन गर्ने जनता समाजवादी पार्टी नेपालले जनाएको छ ।
प्रतिक्रिया राख्नुहोस्