इलामका दुवै निर्वाचन क्षेत्रमा मनोनयन दर्ता सुरु

इलाम। आगामी फागुन २१ गते हुने प्रतिनिधि सभा सदस्य  निर्वाचनका लागि इलाममा उम्मेदवारी मनोनयन दर्ता सुरु भएको छ । 

निर्वाचन क्षेत्र-१ को सूर्योदय १० फिक्कल  निर्वाचन अधिकृतको कार्यलयमा र क्षेत्र-२ को इलाम नगरपालिका ७ स्थित   मुख्य निर्वाचन अधिकृतको कार्यालय मनोनयन दर्ता  भइरहेको छ । मनोनयन बिहान १० बजेदेखि नै सुरु भएको हो।

हालसम्म इलाम १ मा नेपाल मजदुर किसान पार्टीको तर्फबाट  तुलसी केशरी , राष्ट्रिय प्रजातन्त्र पार्टीको तर्फबाट ज्वाला नेपाल र मंगोल नेसनल अर्गनाइजेसन पार्टीको तर्फबाट बुद्ध लाल मेचेले मनोनयन पत्र दर्ता गराएका छन्  ।

यसै गरी  इलाम २ मा नेपाल जनमुक्ति  पार्टिको  याम योङहाङ लिम्बु , राष्ट्रिय प्रजातन्त्र पार्टीका  गणेश दुलाल र मंगोल नेसनल अर्गनाइजेसनका श्याम लिम्बुलेउम्मेदवार दर्ता गरेका छन् ।