सल्यानमा बाघको आक्रमणबाट महिलाको मृत्यु 

सल्यान । सल्यानमा बाघको आक्रमणबाट एक महिलाको मृत्यु भएको छ । 

जिल्लाको कालीमाटी गाउँपालिका–७ पर्सेनीकी ४२ वर्षीया धनसरी रावतको बाघको आक्रमणबाट मृत्यु भएको जिल्ला  प्रहरी कार्यालय सल्यानले जनाएको छ । 

शुक्रवार बिहान घर नजिकैको हरियाली सामुदायिक वनमा घाँस दाउरा काट्न गएकी रावतलाई बाघले आक्रमण गरेको थियो । 

स्थानीय प्रहरीको टोलीले खोजी गर्ने क्रममा घर देखि करिब ५ सय मिटर जङ्गलमा शव पेला परेको जिल्ला प्रहरी कार्यालय सल्यानको सञ्चार शाखाले जनाएको छ । 

घटनाको थप अनुसन्धान भइरहेको प्रहरीले जनाएको छ ।