गृहमन्त्री अर्यालद्वारा दोधारा चाँदनी सुक्खा बन्दरगाह निर्माण स्थलको अनुगमन 

कञ्चनपुर । गृहमन्त्री ओमप्रकाश अर्यालले आज दिउँसो कञ्चनपुरको दोधारा चाँदनी सुक्खा बन्दरगाह निर्माण स्थलको अनुगमन गर्नुभएको छ।

प्रदेशस्तरीय सुरक्षा गोष्ठीका लागि यहाँ आउनुभएका गृहमन्त्री अर्यालसहितको टोलीले दोधारा चाँदनी नगरपालिकामा निर्माण थालिएको सुक्खा बन्दरगाह अनुगमन गर्नुभएको गृहमन्त्रीको निजी सचिव परशुराम पोखरेलले जानकारी दिनुभयो ।

गृहमन्त्री अर्याल प्रदेश सुरक्षा गोष्ठीका लागि यहाँ आउनुभएका बेला सीमा अनुगमनका साथै सुक्खा बन्दरगाह निर्माण स्थलको अनुगमन गर्नुभएको हो ।  ।

गृहमन्त्री अर्यालसँगै सशस्त्र प्रहरी बलका सङ्गठन प्रमुख सशस्त्र प्रहरी महानिरीक्षक राजु अर्याल पनि सहभागी हुनुभएको  थियो । भारत सरकारको सहयोगमा दोधारा चाँदनीमा निर्माण हुन लागेको सुक्खा बन्दरगाहको निर्माण सुरु भइसकेको छ। तीन वर्षभित्र निर्माण सम्पन्न गर्ने गरी भारतीय पक्षबाट ठेक्का भएर निर्माण व्यवसायीले काम थालिसकेका छन्। निर्माण व्यवसायीले निर्माण उपकरण भारतबाट आयोजनाका लागि आयात प्रक्रिया थालेका छन्।