सामूहिक नमाज पढेर मनाइयो ईद (फोटो फिचर)
बाँके । मुस्लिम धर्मावलम्बीहरुको महान् पर्व इद उल फित्र (ईद पर्व) मनाइँदै छ ।
एक महिना लामो उपवास बसेर व्रत अन्त्य गरी आत्मिक शुद्धता गर्ने र आफन्तबिच खुसी साटासाट गरी मुस्लिम समुदायले इद उल फित्र मनाउने गर्दछन् । रमजान पर्व सकिएको भोलिपल्ट इद उल फित्र मनाउने गरिन्छ ।
इद उल फित्रका अवसरमा सरकारले आज सोमबार सार्वजनिक बिदा दिएको छ ।
केही मुस्लिमले ‘इद-उल-फित्र’को नमाज मस्जिदमा त केहीले नेपालगञ्जको ‘इदगाह’मा सामूहिक भेला भई दुई रिकात नमाज पढेर ईद मनाएका छन् ।
एक महिना कठिन व्रत गर्दै विभिन्न इस्लामी ग्रन्थ पाठ गरी बस्ने प्रचलन छ ।
नेपालगञ्जको इदगाहमा जनता समाजवादी पार्टीका केन्द्रीय महासचिव मोहम्मद इस्तियाक राई, दारुल उलुम फैजुन्नबी जामा मस्जिदका निवर्तमान अध्यक्ष हाजी अब्दुल रहमान मियाँ, पूर्व महासचिव इरफान सिद्धिकि लगायत हजारौँ मुस्लिमहरू भेला भएर सामूहिक नमाज पढेर इद मनाएका छन् ।
प्रतिक्रिया राख्नुहोस्