गण्डकी सभ्यता र धार्मिक धरोहरको संरक्षण गर्नुपर्छ : नेता डा.कोइराला

चितवन । नेपाली कांग्रेसका पूर्व महामन्त्री एवं केन्द्रीय सदस्य डा.शशाङ्क कोइरालाले गण्डकी सभ्यता र धार्मिक धरोहरको संरक्षण गर्नुपर्नेमा जोड दिनुभएको छ । 

देवघाटमा जारी महामहोत्सवमा नेता डा.कोइरालाले धर्म र नैतिक शिक्षाको अभावले समाजमा विकृति बढेको भन्नुहुँदै धार्मिक आस्था बलियो बनाउनुपर्नेमा जोड दिनुभयो ।

उहाँले नेपालमा बढ्दो भ्रष्टाचारलाई मानव प्रवृत्तिसँग जोड्दै, पैसाको पछि मात्रै लाग्दा समाजमा नैतिकता हराउँदै गएको बताउनुभयो । 

देवघाट महामहोत्सवका सत्संकल्पकर्ता इश्वरकृष्ण महाराजले देवघाट महामहोत्सव जस्तै धार्मिक महोत्सवहरूले समाजमा आस्थाको पुनर्जागरण मात्र नभई, आर्थिक र सामाजिक रूपमा समेत योगदान दिनसक्ने बताउनुभयो । 

उहाँले नेपाली सभ्यताको रक्षाका लागि सम्पूर्ण धार्मिक, सामाजिक, र राजनीतिक शक्तिहरू एकजुट हुनुपर्नेमा जोड दिनुभयो । 

मातापिता आश्रम निमार्णाथ जारी महामहोत्सव माघ ३० गतेसम्म चल्नेछ । 

.