लालबन्दी साहित्य महोत्सव सम्पन्न, ३ पत्रकार सम्मानित
सर्लाही । सर्लाहीको लालबन्दी नगरपालिकामा लालबन्दी साहित्य महोत्सव सम्पन्न भएको छ ।
लालबन्दी नगर वाङ्मय परिषद्द्वारा आयोजित कार्यक्रमको उद्घाटन प्रमुख अतिथि नेपाल प्रज्ञा प्रतिष्ठानका कुलपति भूपाल राईले गर्नुभएको थियो ।
त्यस अवसरमा लालबन्दी नगर वाङ्मय परिषद्ले विभिन्न व्यक्तिहरूलाई सम्मान गरेको छ । लालबन्दी नगर वाङ्मय परिषद्ले स्थानीय प्रतिभा पुरस्कारबाट सर्लाहीका पत्रकार शङ्कर श्रेष्ठलाई नगद रु २५ हजारसहित प्रमाणपत्र बाट सम्मान गरेको छ।
त्यस्तै लालबन्दी नगर वाङ्मय परिषद् भाषा तथा साहित्य पुरस्कार बोराका लेखक तथा पत्रकार अखण्ड भण्डारीलाई नगद ५० हजार नगद तथा प्रमाणपत्र सहित सम्मान गरिएको छ ।
नेपाली साहित्यका प्रथम सहिद कृष्णलाल स्मृति पुरुषकारबाट पत्रकार तथा वरिष्ठ साहित्यकार रोचक घिमिरे सम्मानित हुनुभएको छ। उहाँलाई नगद रु ५० हजार तथा प्रमाणपत्रबाट सम्मान गरिएको छ।
लालबन्दी साहित्य महोत्सव २०८१ मा कवि, साहित्यकार, गजलकार, कथाकारहरूले विभिन्न रचनाहरू समेत वाचन गरेका थिए ।
प्रतिक्रिया राख्नुहोस्