हेटौडा– १२ को वडाध्यक्ष उपनिर्वाचनमा एमालेद्वारा उम्मेदवारी दर्ता

मकवानपुर । मकवानपुरको हेटौडा उपमहानगरपालिका–१२ मा हुन लागेको वडाध्यक्षको उपनिर्वाचनका लागि नेपाल कम्युनिस्ट पार्टी (एमाले)का तर्फबाट राजेश नगरकोटीले उम्मेदवारी दर्ता गराउनुभएको छ ।

निर्वाचन अधिकृत अवनी मैनाली भट्टराईको कार्यालयमा दर्ता गरिएको उम्मेदवारीमा बखानसिंह घलान प्रस्तावक र अर्जुनप्रसाद अर्याल समर्थक रहेका छन्।

८ हजार ५३ मतदाता रहेको यो वडामा २०७९ को स्थानीय तह निर्वाचनमा विजयी भएका ललितबहादुर घलान जिल्ला समन्वय समिति मकवानपुरको प्रमुख बनेपछि वडाध्यक्ष पद रिक्त भएको थियो । निर्वाचन समितिको उपस्थितिमा वडा कार्यालयमा मनोनयन दर्ता प्रक्रिया जारी रहेको छ।