हाईस दुर्घटनामा पाँच जना घाइते
दार्चुला । दार्चुला जिल्लाको शैल्यशिखर नगरपालिका वडा नम्बर–९ नकतडमा हाईस दुर्घटना भएको छ ।
जिल्ला सदरमुकाम खंलगाबाट महेन्द्रनगर तर्फ जाँदै गरेको बा ५ ख ५२६५ नम्बरको हाईस शनिवार बिहान ९ः१५ बजे ब्रेक फेल भएर चेक पोष्ट नजिकै सडकमा पल्टिएर दुर्घटना भएको जिल्ला प्रहरी कार्यालय दार्चुलाका प्रहरी निरीक्षक एवं सूचना अधिकारी कान्तिराज जोशीले जानकारी दिनुभयो ।
भीमदत्त नगरपालिका वडा नम्बर–१२ का ४४ वर्षीय रामबहादुर महराले चलाएको १७ जना सवार हाईस दुर्घटनामा पाँच जना घाइते भएका छन् ।
घाइते हुनेमा शैल्यशिखर–६ पनेबाजकी १४ वर्षीया जस्मीना धामी, वडा नम्बर–७ देव लीका ८० वर्षीय विष्णुदत्त जोशी, १० वर्षीय हिमांशु जोशी, कञ्चनपुर बेदकोट नगरपालिकाकी ४० वर्षीया बसन्ती बिष्ट र सहचालक बर्दगोरीयाका २२ वर्षीय रोहित सुवार रहेका छन् ।
घाइतेहरूको गोकुलेश्वर स्थित मालिकार्जुन अस्पतालमा उपचार भइरहेको र सबैको अवस्था सामान्य रहेको बताइएको छ ।
प्रतिक्रिया राख्नुहोस्