दृष्टिविहीन कल्से: गीत गाएरै पाल्छन आफ्नो पाँच जनाको परिवार

मुगु । हातमा लौरी  अनुहारमा  कालो चस्मा लगाउने  कल्से नेपाली  मुगु जिल्लाका जन्मजात दृष्टिबिहिन हुन । उनी  दैनिक जसो कहिले  आफन्तको सहारा त कहिले एक्लै सदरमुकाम गमगढी बजार डुल्छन् ।  उनी डुल्ने एउटै उद्देश्य हो । कतै सार्वजनिक  कार्यक्रम भए गीत गाउने ।  गीत गाइसके पछि कसैले अलि आर्थिक सहयोग गर्ने गर्दछन् । त्यही केही उठेको  पैसाले  कोठामा आफ्नो चुलो बल्छ कल्सेले भने,  दिनभर डुलेर कतै कार्यक्रम नभएको दिन रित्तै कोठा फर्कनु परेको छ  उनले सुनाए ।  

पहिले पहिले माया गरेर सबैले सहयोग गर्दथे । अहिले त  कमैले  हेर्छन् । कोठामा चामल, दाल तरकारी , नुन तेल  जुटाउन पनि गारो भैसकेको कल्सेले गुनासो गर्नु भयो ।  जन्मजात  दुइटै आँखा नभएका नेपाली लाई हाल कोठा भाडा तिर्न समेत  मुस्किल भएको छ  अहिले सम्मको कोठा भाडा  चालीस, पचास हजार पुगिसक्यो कसरी तिर्ने हो घरबेटीले पैसा मागेका मागेछन्  के गर्ने होला कतै कोठा पाए उतै सर्ने उनी भन्छन् । उमेरले ५८ वसन्त पार गरेका  नेपाली का  ३ वटा छोरी सहित ५ जनाको परिवार छ ।  

मैले सन्सार कस्तो छ भन्ने अनुभूति  नगरे पनि तीन  ओटै छोरीलाई  स्कुलमा पढाएर राम्रो शिक्षा दिएर सन्सार देखाउन पाए आफ्नो ठुलो सपना पूरा हुने छ उनी भन्छन् । रातदिन  आफ्नो चिन्ता भन्दा छोरीकै बढी लाग्छ । खतेड गाउँपालिका वडा नं ३ रोल घर भएका  दृष्टिबिहिन नेपालीको गीत नसुनेका प्राय कमै होलान्, उनको  भने आफ्नो   क श्रेणीको अपाङ्ग  भएकाले नेपाल सरकार बाट खतेड गाउँपालिका  मार्फत रू ४ हजार र छायाँनाथ रारा नगरपालिका बाट रू १५ सय पाउँदै आएका छन् ।  केही अवसरका लागि भएपनि  आफु गमगढी बसेको  सोह्र बर्ष पूरा भएको छ ।  

यो  संसार कस्तो छ भन्ने  खुल्दुली भन्दा  ३ वटी छोरी  कसैले पढाउने जिम्मा लिदिएको भए  मलाई सन्सार देखे जस्तो त्यही हुने थियो  कल्सेको भनाई छ ।  हेरन्डेक नामक गैर सरकारी संस्थाले हरेक महिना केही मात्रामा चामल, दाल , तेल नुन सहयोग गर्दै आएको  कल्सेको भनाइ छ । यतिले  नपुगे पछि  अहिले कल्से नेपाली लाई पाँच जनाको परिवार पाल्न धौधौ परेको छ । जिल्लामा  आर्थिक  मन्दी भइरहेका बेला  कल्से नेपाली आफूलाई सहयोग  गर्ने हातहरू पनि घट्दै गएको गुनासो ब्यक्त गर्नु भयो ।