अन्तरसामूदायिक सद्भाव र सहिष्णुता अपनाउन पूर्वराष्ट्रपति भण्डारीको आह्वान 

काठमाडौँ । पूर्व राष्ट्रपति विद्यादेबी भण्डारीले नेपाली समाजमा सदियौँदेखि कायम रहेको धार्मिक, सांस्कृतिक एवं अन्तरसामूदायिक सद्भाव र सहिष्णुता अपनाउन आह्वान गर्नुभएको छ ।

आज सार्वजनिक सन्देश जारी गर्नुहुँदै पूर्व राष्ट्रपति भण्डारीले नेपाली समाजको धार्मिक, सांस्कृतिक, भाषिक र जातीय विविधताबीचको एकता, सद्भाव एवं सहिष्णुता नै राष्ट्रिय शक्ति भएकोले संयम्ता अपनाउन पनि आग्रह गर्नुभएको छ । 

उहाँले मुलुकमा कसैले पनि आफूलाई कुनै खास भौगोलिक, जातीय वा सांस्कृतिक पृष्ठभूमिका कारण उच्चताबोध वा हिनताबोध गर्नुपर्ने अवस्था नरहेकोले सुदृढ राष्ट्रिय भावना र सद्भावका निम्ति सामाजिक एकता, जागरण र पहरेदारीका लागि आह्वान गर्नुभएको छ ।