वीरगन्जको बाल सुधार गृहबाट दुईजना भागे

वीरगन्ज । वीरगन्जको बिर्ता स्थित बाल सुधार गृहबाट दुईजना बालकैदी भागेका छन् । कर्तव्य ज्यान मुद्दा र जबरजस्ती करणी मुद्दामा दोषी ठहर भएका उनीहरुलाई आचरण सुधारका लागि बाल सुधार गृहमा राखिएको थियो ।

बालकैदीहरु आज बिहान चारबजेतिर छतबाट हाम फालेर भागेको बाल सुधार गृहका होस्टल वार्डेन कृष्ण प्रसाद साह गोंढले जानकारी दिनुभयो । उनीहरूको खोजीका लागि प्रहरीलाई जानकारी गराई सकिएको पनि उहाँले बताउनुभयो ।

भक्तपुरबाट ल्याइएका १८ जना बालकैदीहरुका कारणले तनाव भएको बाल सुधार गृहमा अहिले ती बालकैदीहरुलाई निकालिएपछि शान्त भएको थियो । सोही मौकामा दुईजना बालकैदीहरु भागेका हुन् ।