सर्लाहीको गोडैतामा  लोसपा विजयी

सर्लाही । सर्लाहीको गोडैता नगरपालिकामा लोकतान्त्रिक समाजवादी पार्टी (लोसपा) ले जितेको छ । गोडैताको जित सँगै सर्लाहीमा लोसपाले खाता खोलेको छ। गोडैता नगरपालिकामा दोस्रो कार्यकालको लागि पुनः मेयर पदमा देवेन्द्र कुमार यादव र उपमेयरमा अञ्जना कुशवाहा  विजयी हुनुभएको छ ।

नगर प्रमुखमा निर्वाचित यादवले ५ हजार २ सय ९४ मत प्राप्त गर्नुभयो भने उपप्रमुखमा कुशवाहाले ५  हजार ३ सय १ मत प्राप्त गरेको निर्वाचन अधिकृतको कार्यालयले जनाएको छ  ।
  नगर प्रमुख यादवका निकटतम प्रतिद्वन्द्वी नेपाली काँग्रेसका उम्मेदवार उपेन्द्र प्रसाद कुशवाहाले ४ हजार ७ सय ५२ मत प्राप्त गर्नुभयो । त्यस्तै उप प्रमुख कुशवाहाको निकटतम प्रतिद्वन्द्वी नेपाली काँग्रेसका उम्मेदवार रामशखी देवीले  ४ हजार ४ सय ९३ मत प्राप्त गर्नुभयो । 

नगर प्रमुखमा पराजित भएका कुशवाहा यस अघि मधेस प्रदेशका प्रदेश सभा सदस्य हुनुहुन्थ्यो । मेयरमा जित्ने अटुट विश्वासले प्रदेश सांसदबाट राजीनामा दिनुभएको थियो ।