थप ५ सय ७० कोरोना संक्रमित थपिए, ६ जनाको मृत्यु

काठमाडौँ । आज कोरोना भाइरसबाट थप ५ सय ७० जना संक्रमित भएका छन् । 

९ हजार ७ सय ८९ नमुना परीक्षण गर्दा ५ सय ७० मा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । 

गएको २४ घण्टामा १ हजार ९ सय ९३ जना संक्रमण मुक्त भएका छन् । यो सँगै अहिलेसम्म कोरोना सङ्क्रमणबाट ९ लाख ४६ हजार ३ सय ३० जना मुक्त भएको मन्त्रालयले जनाएको छ । 

कोरोना भाइरसबाट संक्रमित हुनेको सङ्ख्या घटेसँगै देशभर १६ हजार ६ सय १६ जना सक्रिय  संक्रमित रहेको मन्त्रालयले जनाएको छ । 

आज सङ्क्रमितमध्ये ६ जनाको मृत्यु भएको छ । यो सँगै कोरोनाबाट मृत्यु हुनेको सङ्ख्या ११ हजार ९ सय ११ जना पुगेको मन्त्रालयले जनाएको छ ।