नेपालगन्ज नाकामा थप २७ जनामा कोरोना पुष्टि

नेपालगन्ज, माघ ४ । बाँकेको नेपालगन्जस्थित जमुनाहा नाकामा थप २७ जनामा कोरोना पुष्टि भएको छ ।

भारतबाट नेपाल भित्रिएका २५ जना पुरुष र २ जना महिलामा कोरोना पुष्टि जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीले जानकारी दिनुभयो । २९० जनाको कोरोना परीक्षण गर्दा २७ जनामा कोरोना पुष्टि भएको हो ।

भारतमा कोरोना तीव्र गतिमा फैलिएपछि नेपालगन्ज नाकाबाट दिनहुँ एक हजारको हाराहारीमा नेपालीहरू नेपाल फर्कने गरेका छन् ।