पाँचथरमा बस दुर्घटना, दुईको मृत्यु, ६२ जना घाइते

पाँचथर । पाँचथरमा बस दुर्घटना हुँदा दुई जनाको मृत्यु भएको छ भने ६२ जना घाइते भएका छन् । 

फिदिम–यासोक सडक खण्ड अन्तर्गत सिवा खोलाबाट फिदिम आउँदै गरेको को १ ख ३८६५ नम्बर को बस आज करिब साढे ११ बजेको समयमा सरखण्डेमा दुर्घटना भएको हो । 

दुर्घटनामा घाइते भएका मध्ये केहीको अवस्था गम्भीर रहेको छ ।

घाइतेहरूको पाँचथर अस्पताल, पाथीभरा अस्पताल र समर्पित अस्पतालमा उपचार भइरहेको छ भने गम्भीर घाइतेहरूलाई झापातर्फ रेफर गर्ने तयारी भइरहेको जिल्ला प्रहरी कार्यालय पाँचथरका सूचना अधिकार डम्बर विश्वकर्माले बताउनुभयो । 

दुर्घटनाको विस्तृत विवरण आउन बाँकी छ ।