पाल्पामा एक हजार पाँच सय ९७ जना सङ्क्रमित डिस्चार्ज

पाल्पा । पाल्पामा एक हजार पाँच सय ९७ जना कोरोना सङ्क्रमितहरु डिस्चार्ज भएका छन ।

एक हजार सात सय ३८ सङ्क्रमितहरु मध्ये एक हजार पाँच सय ९७ जना सङ्क्रमितहरु डिस्चार्ज भएका हुन ।

बिहिबारसम्म जिल्लाका माथागढी गाउँपालिकाका ८१ जना, रामपुर नगरपालिकाका दुई सय ४६ जना, पूर्वखोला गाउँपालिकाका तीन सय ३३ जना, रैनादेबी छहरा गाउँपालिकाका ८२ जना र रम्भा गाउँपालिकाका ८५ जना रहेका छन ।

त्यस्तै बगनासकाली गाउँपालिकाका एक सय चार जना, तिनाउ गाउँपालिकाका ६६ जना, रिब्दीकोट गाउँपालिकाका ५९ जना, निस्दी गाउँपालिकाका एक सय १४ जना र तानसेन नगरपालिकाका पाँच सय २७ जना रहेको स्वास्थ्य कार्यालय पाल्पाले जनाएको छ ।

यसैबीच बिहिबार पाल्पामा थप छ जना सङ्क्रमित थपिएका छन ।