झापामा बञ्चरोले हानेर साथीको हत्या, एक जना पक्राउ
भद्रपुर, झापा । साथीलाई बञ्चरो हानेर मारेको अभियोगमा प्रहरीले झापाको सुरुङ्गाबाट एक जनालाई पक्राउ गरेको छ ।
पक्राउ पर्नेमा कन्काई नगरपालिका–७ का टल्के भनिने रबिन राजवंशी रहेका छन् ।
अभियुक्त राजवंशीले आफ्नै साथी अभिषेक चौधरीलाई बञ्चरो हानेर मारेको इलाका प्रहरी कार्यालय बिर्तामोडले जनाएको छ ।
बिर्तामोड प्रहरीका डिएसपी मुकुन्द रिजालले घटनाको आठ घण्टापछि राजवंशीलाई पक्राउ गरिएको बताउनुभयो ।
दुवै जनाबीच लागूऔषधका विषयमा विवाद हुँदा घटना भएको प्रहरीको प्रारम्भिक अनुसन्धानले देखाएको छ । २७ गते साँझ राजवंशीले चौधरीको हत्या गरेका हुन् ।
असोज २८ गते विहान कनकाई नगरपालिकाको वडा नम्बर–३ एकान्त टोलस्थित बाँसघारीमा चौधरीको शव भेटिएको थियो ।
पक्राउ परेका राजवंशीले बञ्चरोले टाउकोमा हानेर मारेको स्वीकारेका छन् ।
प्रतिक्रिया राख्नुहोस्