फिफाको महिला वरियतामा नेपाल यथावत

काठमाडौं । विश्व फुटबलको सर्वोच्च निकाय फिफाको महिला वरियतामा नेपाल यथावत रहन सफल भएको छ ।

फिफाले सार्वजनिक गरेको नयाँ वरियतामा नेपाल यथावत रहदै ९९ औं स्थानमा रहन सफल भएको हो ।

अघिल्लो पटक पनि नेपालको वरियता ९९ औं स्थानमा नै रहेको थियो ।

विश्व वरियतामा अमेरिका पहिलो, जर्मनी दोस्रो, फ्रान्स तेस्रो, नेदरल्यान्ड्स चौंथो र स्विडेन पाँचौं स्थानमा रहेका छन् ।

त्यस्तै इंग्ल्यान्ड छैठौं, अष्ट्रेलिया सातौं, ब्राजिल आठौं, क्यानडा नवौं र उत्तर कोरिया १० औं स्थानमा छन् ।

एसियाली राष्ट्रको वरियतामा भने नेपाल २१ औं स्थानमा रहेको छ ।

यस्तै दक्षिण एसियाली राष्ट्रको महिला वरियतामा नेपाल दोस्रो स्थानमा छ ।

गएको जुलाई १६ मा सार्वजनिक गरिएको पुरुष फुटबलको विश्व वरियतामा नेपाल १ सय ७० औ स्थानमा रहेको छ ।